Toshkent shahrining Yakkasaroy tumanida joylashgan Askiya bozori hududi va binolari E-auksion platformasida sotuvga qo‘yildi.
Maydoni 1,83 gektarni tashkil qiluvchi bozorning 0,68 gektar qismi binolar bilan band. Auksion 20-dekabr kuni soat 10:00 da boshlanadi, boshlang‘ich narx 214,85 milliard so‘m qilib belgilangan.
Lot tarkibiga binolar va yer uchastkasidan foydalanish huquqi kiradi. Binolarning narxi 9 milliard so‘m, yerning qiymati esa 180 milliard so‘mni tashkil etadi.
