Markaziy Bank 2025-yilning birinchi choragi uchun O‘zbekistonning xalqaro zaxiralari va xorijiy valyutadagi aktivlariga oid yangi ma’lumotlarni e’lon qildi.
2025-yilning 1-yanvaridan 1-martga qadar O‘zbekistonning rasmiy zaxira aktivlari $41,1 milliarddan $44,9 milliardgacha oshgan.
Xorijiy valyutadagi zaxiralar, birinchi oydan boshlab, $8,6 milliardni tashkil etgan va 1-yanvardan 1-margacha bu ko‘rsatkich $9,5 milliardga ko‘tarilgan.
Qimmatli qog‘ozlar bozorida esa aktivlar $101,6 milliondan $202,4 milliongacha o‘sdi. Naqd valyuta va depozitlarning umumiy miqdori $8,5 milliarddan $9,3 milliardgacha ortgan.
Boshqa markaziy banklardagi va Xalqaro Valyuta Jamg‘armasidagi depozitlar $350,9 milliondan $414,3 milliongacha ko‘paygan.
Mamlakatning oltin zaxiralari $32 milliarddan $34 milliardgacha oshgan, ammo uning sof hajmi $12,3 million troy untsiyadan $12,1 million troy untsiyagacha kamaygan.
Shuningdek, xorijiy valyutadagi boshqa aktivlar $78,5 milliondan $55,1 milliongacha qisqargan.