Oliy ta’lim, fan va innovatsiyalar vazirligi ma’lum qilishicha, 2025/2026-o‘quv yili uchun davlat oliy ta’lim muassasalarida o‘qish qiymati tasdiqlandi.
Davlat komissiyasi majlisida qabul qilingan bayonga ko‘ra, bakalavriat yo‘nalishlari va magistratura mutaxassisliklarida bir talabani bazaviy to‘lov-kontrakt asosida bir yil o‘qitish narxi belgilandi.
Shuningdek, moliyaviy mustaqillikka ega bo‘lgan OTMlar belgilangan tartib asosida yangi o‘quv yilida qabul qilinadigan talabalar uchun kontrakt miqdorini o‘zlari mustaqil belgilash huquqiga ega bo‘ladi.