30-sentabr kuni o‘zbek bozorida oltin quymalarining qiymati tarixiy darajaga chiqdi. Markaziy bank ma’lumotlariga ko‘ra, bir grammli oltin quyma 1 mln 538 ming 300 so‘mga baholandi.
Shuningdek, o‘lchovli quymalar narxi quyidagicha belgilandi:
- 5 gramm — 7 mln 691 ming so‘m,
- 10 gramm — 15 mln 383 ming so‘m,
- 20 gramm — 30 mln 766 ming so‘m,
- 50 gramm — 76 mln 915 ming so‘m,
- 100 gramm — 153 mln 830 ming so‘m.
Shu tariqa, 5 grammli oltin quyma narxi ilk bor 7,6 million so‘mdan yuqori bo‘ldi.
Dunyo bozorida ham qimmatbaho metall narxi o‘sishda davom etmoqda. 30-sentabr holatiga ko‘ra, 1 troya unsiyasi oltin qiymati 3896,90 dollarni tashkil etib, 3900 dollarlik chegaraga yaqinlashdi.