2025-yilning yanvar-iyun oylarida soliq organlariga yuborilgan 5 488 ta murojaat asosida 3 272 ta tashkilotga umumiy qiymati 8,8 trillion so‘mdan ziyod qo‘shilgan qiymat solig‘i (QQS) qaytarildi. Bu haqda Davlat soliq xizmati xabar berdi.
QQS qaytarilgan sohalar orasida eng yuqori uchlik quyidagicha:
- Ishlab chiqarish sohasi – 5,9 trln so‘m
- Xizmat ko‘rsatish sohasi – 956,2 mlrd so‘m
- Transport xizmati – 641,4 mlrd so‘m
Bu ko‘rsatkichlar iqtisodiyotning faol segmentlarida QQS qaytarish tizimi ancha samarali ishlayotganini ko‘rsatmoqda.
