O‘zbekiston Respublikasining rasmiy zaxira aktivlari 2025-yil avgust holatiga 48,7 milliard AQSh dollarini tashkil etdi. Bu ko‘rsatkich iyul oyiga nisbatan 0,2 milliard dollarga oshdi.
Markaziy bank ma’lumotlariga ko‘ra, xorijiy valyutadagi zaxiralar 9,5 milliard dollar, oltin zaxiralari esa 38,7 milliard dollar atrofida bo‘ldi. Oltin zaxiralari hajmi oy davomida biroz kamaygan bo‘lsa-da, xalqaro bozor narxlarining yuqoriligi umumiy qiymatni barqaror ushlab turdi.
2025-yilning so‘nggi sakkiz oyida zaxiralar hajmi yil boshidagi 41,1 milliard dollardan 7,6 milliard dollarga oshgan. Mutaxassislarning fikricha, zaxiralardagi o‘sish mamlakat eksport tushumlari, oltin narxining yuqoriligi hamda valyuta bozoridagi barqarorlik bilan izohlanadi.
Rasmiy zaxira aktivlari xalqaro moliya standartlariga muvofiq, mamlakatning tashqi qarzlarini qoplash va importni bir necha oy davomida moliyalashtirish imkoniyatini ta’minlaydi.
