O‘zbekiston Markaziy banki 18-avgust holatiga tijorat banklaridagi kreditlar bo‘yicha foiz stavkalari statistikani e’lon qildi.
Mikroqarzlar bo‘yicha o‘rtacha stavka 36,1%ni tashkil etdi (11-avgustda – 36,3%). Eng yuqori stavka TBC bankda – 42,4%, eng past stavka esa Aloqabankda – 21,8%.
Avtokreditlarda o‘rtacha stavka 23,8% (11-avgustda – 23,7%). Eng yuqori ko‘rsatkich Infinbankda – 28%, eng past stavka esa Ipoteka bankda – 21,3%.
Jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 24,2%ni, yuridik shaxslarga berilayotgan kreditlarda esa 22,2%ni tashkil qildi.
