2025-yilning uchinchi choragi yakunlariga ko‘ra, O‘zbekiston bank tizimi chorakni sezilarli daromad bilan yakunladi. Mamlakatdagi tijorat banklari orasida eng katta foyda ko‘rsatkichini O‘zmilliybank qayd etdi — uning sof foydasi 1,45 trillion so‘mni tashkil etdi.
Undan keyingi o‘rinlarda:
- O‘zsanoatqurilishbank — 1,38 trln so‘m,
- Hamkorbank — 1,27 trln so‘m,
- Kapitalbank — 1,16 trln so‘m,
- Orient Finans bank — 793,5 mlrd so‘m.
Shuningdek, Ipak Yo‘li bank (752,5 mlrd so‘m) va Trastbank (616,9 mlrd so‘m) ham yuqori natijalarga erishdi.
Birinchi o‘nlikni KDB Bank O‘zbekiston (493,2 mlrd so‘m), Davr-bank (465,1 mlrd so‘m) va Biznesni rivojlantirish banki (386,9 mlrd so‘m) yakunlab berdi.
Umuman olganda, 2025-yilning 3-choragida O‘zbekistonning TOP-10 bankining jami sof foydasi 7,8 trillion so‘mdan oshdi.
Asia Alliance Bank (365 mlrd so‘m), Xalq banki (269 mlrd so‘m), Aloqabank (258 mlrd so‘m) va Anorbank (236 mlrd so‘m) ham faol o‘sish sur’atlarini saqlab qolgan.
Ayrim banklar esa chorakni nisbatan past yoki manfiy natija bilan yakunladi. Jumladan, Apexbank (-52,2 mlrd so‘m) va Yangibank (-95,4 mlrd so‘m) zarar qayd etgan.
Mutaxassislar fikricha, bank sektoridagi daromadlarning o‘sishi kreditlash hajmining kengayishi, komissiya tushumlarining ortishi hamda likvidlik siyosatining barqarorligi bilan izohlanmoqda.